八瀧壽司任食廚師發辦

自從輻射水事件後，限制出口的漁獲令不少日本料理生意大受影響，尤其是Omakase 廚師發辦餐廳很多都已關門大吉。能夠維持高水準，有固定的熟客支持，才能站立得住，八瀧就是其中一間。位於尖沙咀棉登徑附近的八瀧，首創推出壽司無限追加套餐，可以滿足一眾壽司愛好者。

八瀧是走新派創意日本料理路線的Omakase餐廳，今年已經踏入第6年，餐單食材均為日本直送海產，以季節蝦蟹鮑魚海膽制作海鮮盛宴，師傅更會以多種烹調手法制作菜式，如板前，割烹等再加入多國fusion料理概念，令客人感受新鮮食材以外多一份驚喜。主廚Tony 師傅具有十多年日本料理及Fine Dining主廚經驗，善於運用不同醬汁，以crossover的烹調方式融入菜式之中。

瀧 Omakase 美味之旅由茶碗蒸開始⋯⋯ 茶碗蒸配手拆松葉蟹肉，鮮甜又嫩滑，絕對是非一般、矜貴版茶碗蒸。

時令蠔配蘋果啫喱 - 日本蠔一般比較清甜同creamy，日本料理師傅通常會加柚子酸汁令蠔鮮味提升，但Tony師傅覺得柚子酸汁比較霸道，所以特別調教咗一個酸度比較自然同清新嘅蘋果啫喱用嚟配蠔，令蠔嘅鮮味更加突出。，鮮嫩creamy又多汁。

牡丹蝦全食 - 北海道牡丹蝦應該人人都食過，但通常都係刺身加Wasabi食佢本身甜味，但Tony師傅秉承日本人對食材尊重，將整隻蝦食盡一點一滴，師傅會將蝦頭拆出蝦膏，加上特別調味再响客人面前燒炙，濃郁蝦膏味撲鼻而至，再將蝦殼煎練出蝦油，相信大家都冇咁食過牡丹蝦，我幾肯定呢隻蝦會震撼到大家嘅味蕾。，用蝦頭的蝦膏炒香，以蝦膏蝦油作醬汁。